Er Fjarhitafelagið ein sólskinssøga?



At gagnnýta avlopshita gevur meining, men brúkararnir rinda ovurprís og fíggja útbyggingina av fjarhitanum í kommununi. Javnan eru atfinningar frammi í móti Fjarhitafelagnum:
  • Tænastan er ikki góð, kunningin er lítil
  • Lítið fæst at vita um ætlanir, kostnaðir, útrokningar, roknskapir 
  • Fjarhitafelagið brúkar nógva olju, tí avlopshiti vantar
Grundleggjandi skuldu fortreytirnar hjá Fjarhitafelagnum verið góðar, tí at orkan, sum er fingin frá brennistøðini og Sundsverkinum, er ókeypis - og vit fáa at síggja, hvussu verður við biogassverkinum.

Útreiðslurnar hjá felagnum stava tí einans frá umsiting, røkt og útbygging av skipanini. 

Eitt tilgjørt brúkaragjald er gjørt, sum einki hevur við fjarhita at gera: kostnaðurin at hita eini hús við fjarhita er ásettur at vera tann sami, sum tað kostar at hita eini hús við einari oljufýring.

Hetta gevur fleiri skeivleikar m.a. at tað kostar 17.000 krónur árliga at hita  eini sethús í Hoyvíkshaganum við orku frá Fjarhitafelagnum. Við einari nýggjari oljufýring, hevði kostnaðurin verið 14.500 krónur, við øðrum orðum 2.500 krónur minni. 

Høvdu somu hús havt t.d. jarðhita, so hevði tað einans kostað 9.000 krónur - ein munur upp á 8.000 kr.

Veruleikin er, at vit hava eitt alment partafelag, sum - í eini monopolstøðu - hevur fríar ræsir til sjálvt at gera av, hvørjar spælireglurnar eru, tí hetta øki er ikki lógarregulerað.. 

Tað eru eisini grundaðar orsøkir at seta spurningin, um stóru útbyggingarnar hjá Fjarhitafelagnum verða fíggjaðar við tí peningi, sum brúkararnir í Fjarhitafelagnum gjalda ov nógv.

Og tað kann ikki vera rætt, at t.d. barnafamiljur, sum í íbúðarneyð, hava skrivað undir um at vera íbundin fjarhitaskipanini -  í allar ævir skulu vera stavnsbundin at rinda fyri at útbyggja skipanina um allan býin. 

Samanumtikið er tað framvegis eitt gott hugskot at nýta avlopsorku, ið fór upp í royk, um vit ikki høvdu fjarhitaskipanina. Eisini hóast tað er eitt orkutap er í kilometralongu rørunum. 

Men tað er ikki í lagi, at Fjarhitafelagi framhaldandi setir oljufýringar upp í býnum, tí at tað er ikki nóg mikið av avlopshita til allar brúkararnar í skipanini. Tað, at Fjarhitafelagið í 2019 nýtti meira enn eina millión litrar av olju, ber ikki rætta vegin. 

Um eg fái møguleikan, vil eg arbeiða fyri at hækka tænastustøðið, betra um kunningina og gjøgnumskygni. Eisini vil eg, at hetta økið grundleggjandi verður endurskoðað.

Jón Kragesteen, valevni fyri Tjóðveldi




Comments

Post a Comment

Popular posts from this blog

El-bilar hava væl minni CO2 "lívstíðar-útlát"

Image
Í dag er flestum kunnugt, at tað er bráneyðugt at steðga CO2 útlátinum hjá mannaættini - um vit ikki skulu forkoma liviumstøðunum hjá eftirkomarum okkara. Tíbetur koma alsamt nýggjar uppfinningar, sum gera tað møguligt at nýta aðrar orkukeldur enn kol og olju. Ein av mest eyðsýndu framstigunum eru el-bilarnir.  Men hóast væl dokumenteraðu fyrimunirnar eru javnan yvirskriftir og søgur at síggja í miðlunum, sum hava mótstríðandi boðskap. Hví so er, er ikki so lætt at siga. Hinvegin er tað ikki ókent, at tey, sum vilja sleppa at halda fram at selja olju og bensin, seta nógv inn fyri at verja síni áhugamál.  Á myndini til høgru sæst mynd, sum var  løgd út á Facebook og hevur tílvísing til  grein  í  danska "Ekstra Bladet" .  Greinin tekur støði í  frágreiðing ,  hjá granskingarstovninum "Klimarådet",  har kikarin verður settur á eina samanbering millum "lívstíðar-gongdina" hjá el-bilum í mun til bensin- og dieselbilar, altso gongdina framleiðslu, nýtsl
Read more

Hvør er størsta hóttanin hjá mannaættini?

Image
Um tú googlar spurningin: Hvør er størsta hóttanin hjá mannaættini?  koma fram fleiri óhugnalig svar, alt frá kometum, ið renna á jørðina, ógvusligum eldgosum, sum oyðileggja alt, sum fyri er - ella sólstormar, sum svíða alt lív av. Hetta eru náttúruvanlukkur, sum eru so ógvusligar og langt uttanfyri tað, sum vit menniskju kunnu fata - og enn minni hava ávirkan á.  Sætt í tí ljósinum eru trupulleikar, sum eru uppi í dag, sum t.d. veðurlagsbroytingar, náttúruoyðingar, turkur, fátækradømi og kríggj tann reini barnamatur.  Felags fyri hesar smáu hóttanirnar er, at tær eru mannaskaptar, tær eru avleiðingar av virkseminum hjá mannaættini. Hinvegin, tá ið hetta nú eru mannaskaptir trupulleikar, kundi verið ein ávísur møguleiki at vit kunnu venda gongdini við t.d. at broyta atferð.  Bíða nú, mannaskaptar? -  kann tað prógvast? - vilja summi kanska føra fram... ræður náttúran ikki sær sjálvum? - og hava veðurlagsbroytingar ikki altíð verið?  Kunnu hesi - sum bíblian lýsir sum máttleys m
Read more

Ger tað mun at kunna um veðurlagsbroytingarnar?

Image
Um dagarnar frættist um ætlan at byggja stóra vindmyllulund í Eysturoynni. Eina so stóra vindmyllulund, at hon kann minka samlaðu oljunýtsluna í Føroyum við 10%.  Tað at økt verður um vindorkuna er sera gleðiligt.  Sum skilst er talan um eina verkætlan, sum er leys av netinum hjá SEV, har eitt privat orkufelag veitir orku til privata vinnu. Vit kunnu spyrja okkum, hví eitt slíkt initiativ verður framt?  Fyrst, er at siga, at tað er at fegnast um, at vindorka er so mikið rentabul, at tað loysir seg hjá einari privatari fyritøku at fara í holtur við hana, annars hevði hon ikki gjørt tað.  Hjá avtakaranum, í hesum føri Havsbrún, er motivatiónin heilt greið, at skal tað framtíðini bera til at standa seg í kappingini, so er neyðugt at hava ein grønan profil, hetta er beinleiðis eitt krav frá kundunum. Vit kunnu so spyrja, hvussu ber tað til, at kundarnir krevja, at vøran, teir keypa, hevur ein grønan profil? Svarið er einfalt, at kundarnir í dag eru tilvitaðir um veðurlagsbroytingarnar og v
Read more